1 ناۋرىز «العىس ايتۋ كۇنىنە» وراي «ازىرەت سۇلتان» مەملەكەتتىك تاريحي-مادەني قورىق-مۇراجايىنىڭ ۇيىمداستىرۋىمەن «تۇركىستان تاريحى» مۋزەيىندە «العىسىمىز شەكسىز» تاقىرىبىندا كەزدەسۋ بولىپ ءوتتى. 2016 جىلعى 14 قاڭتاردا قازاقستان رەسپۋبليكاسىنىڭ پرەزيدەنتى ن.ءا.نازارباەۆ قازاقستان حالقى اسسامبلەياسىنىڭ قۇرىلعان كۇنى 1 ناۋرىزدى ەلىمىزدە العىس ايتۋ كۇنى دەپ جاريالاپ, № 173 جارلىققا قول قويعان بولاتىن. ەلباسى ءوز سوزىندە «مەن العىس ايتۋ كۇنى يگى داستۇرگە اينالىپ, حالقىمىزدىڭ ەڭ سۇيىكتى مەرەكەلەرىنىڭ ءبىرى بولارىنا سەنەمىن», – دەپ اتاپ وتكەن بولاتىن. العىس ايتۋ كۇنى بولىپ بەلگىلەنۋىنە وراي «ازىرەت سۇلتان» مەملەكەتتىك تاريحي-مادەني قورىق-مۇراجايىندا وزگە ۇلت وكىلدەرىمەن, ارداگەرلەرمەن كەزدەسۋلەر دوڭگەلەك ۇستەلدەر ۇيىمداستىرىلۋدا.
شاراعا قالامىزداعى «وزبەك مادەني ورتالىعىنىڭ» وكىلدەرى ءابدىراحىم قوشقاروۆ, ابدىحالىق نۇرجانوۆ جانە قالالىق ارداگەرلەر كەڭەسىنىڭ توراعاسى ج.قۇلبايىمبەتوۆ پەن مۇشەلەرى, سونىمەن قاتار مۋزەي قىزمەتكەرلەرى قاتىستى. كەزدەسۋ مادەنيەت ءۇيىنىڭ ءانشى, تەرمەشىلەرى شەرحان الىبەك, مايگۇل تۇرىسكەلديەۆالار كەلىپ, ءوز ونەرلەرىمەن كەلگەن قوناقتاردى ءتانتى ەتتى.
وزبەك مادەني ورتالىعى ديرەكتورىنىڭ ورىنباسارى ءا.قوشقاروۆ «قازاق حالقى قيىن-قىستاۋ زاماندا قازاقستان جەرىنە ەرىكسىز قونىس اۋدارعان ءتۇرلى ەتنوستار باسىنا تۇسكەن اۋىرتپالىقتى قايىسپاي بىرگە كوتەرە ءبىلدى, قازاق حالقىنا العىسىمىز شەكسىز... » دەپ ءسوزىن تۇيىندەدى.
جيىندا ءسوز العان ج.قۇلبايىمبەتوۆ العىس ايتۋ كۇنى – قازاقستان حالقىن ماڭگىلىككە بىرىكتىرۋگە باعىتتالعان «ماڭگىلىك ەل» جالپىۇلتتىق پاتريوتتىق يدەياسىنىڭ, قازاقستاندىق بىرەگەيلىكتىڭ نەگىزگى ارقاۋى – ەلىمىزدەگى بارلىق ۇلت پەن ۇلىستى ءبىر شاڭىراق استىنا توپتاستىراتىن قازاقستان حالقى اسسامبلەياسىنىڭ كۇنىمەن بارشا قازاقستاندىقتاردى قۇتتىقتادى.
شارا سوڭىندا كەلگەن قوناقتارعا مۇراجاي تاراپىنا سىي سياپاتتاپ بەرىلىپ, «تۇركىستان تاريحى» مۋزەيىن تاماشالاۋعا مۇمكىندىك جاسادى. ەكسكۋرسيانى قورىق-مۇراجايدىڭ تاريحي ەسكەرتكىشتەردى قورعاۋ جانە ارحەولوگيا ءبولىمىنىڭ مەڭگەرۋشىسى ت.ع.ك. م.ق. تۇياقباي جۇرگىزدى.